Një tjetër fundjavë pozitive ishte ajo që lamë pas për legjionarët shqiptarë që luajnë jashtë kufijve.
Portali i njohur i statistikave, “Sofascore” ka renditur pesë legjionarët me vlerësimet më të larta.
Vendin e parë e mban sulmuesi i Kombëtares shqiptare, Taulant Seferi i cili shënoi dygolësh dhe dhuroi asist në fitoren e skuadrës së tij Bodrumsporit kundër Hatajsporit. Ish-sulmuesi i Elbasanit, Amarildo Gjoni që tani luan për Sherif Tiraspol pozicionohet në vendin e dytë falë golit të shënuar në fitoren e ekipit të tij.
Një tjetër sulmues i Kombëtares ka shkëlqyer këtë fundjavë. Arbnor Muja ka tundur rrjeteën në kampionatin belg dhe është vlerësuar me notën 7.7. Vendi i katërt shkon për sulmuesin e Shqipërisë, Ernest Muçi i cili luajti 18 minuta në fitoren e Trabzonsporit.
Top 5-shja plotësohet me Qazim Laçin i cili dha dy asiste në triumfin me 5 gola të Rizesporit.
