Al Nassr-i ka shpërfytyruar Inter Miami-n me rezultatin e thellë 6-0. Në listën e golashënuesëve ishte edhe Laporte, i cili realizoi një gol mbresëlënës. Mbrojtësi kapi në befasi kundërshtarët, teksa provoi gjuajtjen nga një distancë prej më shumë se 60 metrash.
Topi u ndal në rrjetë në minutën e 12 të takimit, duke i dërguar shifrat në 3-0. Golin e shijoi tej mase edhe Cristiano Ronaldo. Ylli portugez e ndoqi sfidën nga tribuna, nga ku nuk u përmbajt për të festuar perlën e shokut të tij të skuadrës. /Sport Ekspres/
