Në prag të Krishtlindjeve dhe pas sulmit të fundit në Paris, çështja e sigurisë së vendit dhe kërcënimi i sulmeve xhihadiste është kthyer në axhendë, me autoritetet në gatishmëri të lartë.
Të shtunën e kaluar, policia në Göppingen, një qytet me 60,000 banorë në lindje të Shtutgartit, evakuoi tregun qendror të hapur të Krishtlindjeve pasi mori një telefonatë nga një person i panjohur që kërcënonte me një sulm.
Forca të forta policore kanë rrethuar menjëherë zonën, ndërsa në operacion është përfshirë edhe një helikopter policie, por nuk është gjetur asgjë e dyshimtë. Policia tashmë është në kërkim të autorit të thirrjes.
Javët e fundit dhjetëra thirrje të ngjashme kanë çuar në evakuimin e shkollave dhe sinagogave në të gjithë Gjermaninë. Në shumë raste shakaxhinjtë janë identifikuar dhe arrestuar dhe përballen me dënime të rënda, jo vetëm penale, por edhe financiare. Në rastin e tregut të Krishtlindjeve, autorit mund t’i kërkohet të mbulojë kostot e operacionit policor, por edhe fitimet e humbura të biznesmenëve.
