Një 26-vjeçare nga India theu rekord botëror Guinness për numrin e dhëmbëve në gojën e saj.
Kalpana Balan ka 6 dhëmbë më shumë në gojë se mesatarja e një të rrituri, duke i dhënë asaj rekordin për numrin më të madh të dhëmbëve në gojën e një personi.
Balan ka 4 dhëmbë ekstra “mandibular” në nofullën e poshtme dhe 2 dhëmbë ekstra në nofullën e sipërme.
Dhëmbët e saj shtesë, të njohur si dhëmbë të tepërt, filluan të rriteshin kur ajo ishte adoleshente dhe ajo fillimisht do t’i hiqte, por dentistët i thanë se duhej të priste derisa të përfundonin daljen.
Balan tregoi se vendosi të mos hiqte dhëmbët, pasi ata nuk i shkaktojnë dhimbje. Ajo tha se dentistët kanë përcaktuar se rekordi i saj mund të rritet në të ardhmen, pasi ajo ka dy dhëmbë të tjerë që ende nuk kanë dalë./albeu.com
