Minutat ishin një shekull për të dhe ankthi i saj kishte arritur kulmin kur papritur pa përdhunuesin shqiptar, Spartak Dyrmishi, të hynte në makinën e saj dhe ta kërcënonte. Mediat greke kanë zbardhur dëshminë e të resë që tregon momentet e tmerrit kur 45-vjeçari e kërcënoi, duke i vendosur një send metalik në brinjë e duke e kërcënuar se do ta vriste, por edhe se si i shpëtoi përdhunimit në minutën e fundit. Qetësia e saj ishte elementi që e shpëtoi.
E zonja i tha policisë se kur 45-vjeçari hipi në makinën e saj, ai po i jepte udhëzime për itinerarin që donte të bënin për të përfunduar në një park. Në udhëzimet që dha, megjithatë, ai përmendi emrat e rrugëve – diçka që u tregonte autoriteteve se kanë të bëjnë me një vendas, i cili i njeh shumë mirë rrugët dhe se jetonte diku afër.
Përshkrimi i zonjës së re fillon që nga momenti kur përdhunuesi futet në makinë: Papritmas shoh një burrë që hap derën e pasme dhe hyn në makinë. Ai më kapi nga xhaketa që kisha veshur dhe me ashpërsi më tha të nisja makinën. Fillova të bërtisja dhe ta pyesja se çfarë donte dhe i thashë të dilte nga makina. Ndërsa bërtisja, ndjeva një objekt metalik që më shtypte në brinjë. Vazhdova ta pyesja se çfarë donte nga unë dhe ai më pas filloi të më bërtiste se do të më vriste.
Megjithatë e reja e ka kuptuar menjëherë se për të shpëtuar nga duart e 45-vjeçarit, në asnjë rrethanë nuk duhet të hyjë në parkingun ku ai i kërkoi që të hynte.
“…Kur arritëm në këtë rrugë, ku edhe ka një park të madh e janë parkuar shumë makina, ai më kërkoi të hyja dhe të parkoja edhe atje. Ishte errësirë ââdhe i thashë që nuk do ta bëja. Papritur fillova ti bija makinës. Ai për të më bërë të ndaloja, më kapi nga qafa me bërryl aq fort sa nuk mund të merrja frymë dhe më bërtiti që të ndaloja zhurmat. Por befas, makina u fik sepse në përpjekjen e tij për të më kapur nga qafa, ai hoqi çelësin. Pastaj ai lëshoi ââduart nga qafa ime dhe më mbajti nga jaka derisa gjeta ku ra çelësi. Aty kuptova se burri mbante diçka metalike në dorë, por kuptova që nuk duhet të ishte thikë.”
45-vjeçari filloi të bëhej më i egër dhe më i dhunshëm në makinë me vajzën, megjithatë, ajo e kuptoi se e vetmja shpresë për të shpëtuar do të ishte të zgjonte interesin e punonjësve dhe klientëve të kafesë aty pranë.
“…Fillova sërish të shtyp borinë, ndaj klientët dhe punonjësit e dyqanit e kanë kuptuar se diçka po ndodhte dhe më pas autori i tmerruar ka zbritur nga makina dhe ka nisur të vrapojë. Erdhën punonjësit e dyqanit, i shpjegova se çfarë ndodhi dhe ata thirrën Policinë. Siç u thashë oficerëve të policisë së repartit të Palaio Faliros, burri ishte rreth të 40-ave, fliste mirë greqisht, ishte me gjatësi mesatare, trupmadh dhe u tregova edhe rrobat që kishte veshur…”.
I akuzuari është dërguar dje në hetuesi, ku ia ka vënë fajin përdorimit të kokainës dhe alkoolit për çdo gjë që kishte bërë. Dyrmishi shtoi se ishte nisur për në Shqipëri, kur ka parë që televizioni ka nisur të shfaqë videot nga kamerat e sigurisë që kishin regjistruar incidentin me vajzën në makinë. Në Shqipëri u fsheh në Vlorë, por shtoi se dyshonte se fisi nga ana e të ëmën e kishte dorëzuar në Polici, pasi ai kishte qëllim që të arratisej nëpër Europë.
