Një megaoperacion “Shqiponja e Bardhë” është zhvilluar kundër trafikut të drogës nga karabinierët e Trentos. Në pranga kanë rënë 38 persona, 15 marokenë, 8 shqiptarë, 1 shqiptar i Kosovës, 3 tunizianë, një algjerian dhe 10 italianë. Nga ana tjetër, 6 janë shpallur në kërkim.
Arrestimet u bënë në provincat e Trentos, Brescias, Vicenzas, Mantuas, Pratos dhe Barit, si dhe në Belgjikë dhe Holandë.
Në kuadër të këtij operacioni, u çmontuan dy banda. Grupi i parë, i e përbërë kryesisht nga shqiptarë, furnizonte Trentinon me drogë, veçanërisht heroinë, por edhe kokainë, hashash dhe marihuanë.
Grupi i dytë, anëtarët e së cilës ishin kryesisht afrikano-veriorë, në vend të kësaj kishte zhvilluar një trafik të vërtetë ndërkombëtar të kokainës, e cila importohej nga Belgjika dhe Holanda për të furnizuar “tregjet” e Gardës së Epërme dhe Sarkës së Poshtme.
Hetimi u nis në maj 2020 nga Karabinierët e Njësisë së Hetimit të Trentos, nën drejtimin e Prokurorisë së Rrethit vendor.
Nga operacioni u sekuestruan 23 kg kokainë, një kilogram heroinë dhe një kilogram e gjysmë marihuanë, 32 mijë euro cash dhe një orë luksoze, të ardhura nga veprimtaria kriminale./albeu.com
