Në verën e kaluar, Ronald Koeman nënshkroi një kontratë dy-vjeçare me Barcelonën, por thashethemet vazhdojnë për atë që ndryshimi i presidentit mund të thotë edhe largim për holandezin.
Në kundërshtim me këtë, Joan Laporta është i lumtur me ish-trajnerin e Evertonit dhe e ardhmja e tij duket më e sigurt tani se sa disa muaj më parë.
Presidenti i ri është i kënaqur me karakterin e tij, menaxhimin e grupit, besimin e tij në akademinë e të rinjve dhe performancën e përgjithshme.
Koeman e di mirë se sa i paqëndrueshëm mund të jetë pozicioni i trajnerit, veçanërisht te Barcelona dhe thashethemet për zëvendësimin e tij të mundshëm kanë qenë konstante këtë sezon.
Emra të tillë si Xavi Hernandez, Mikel Arteta dhe Julian Nagelsmann, janë përmendur si opsione për sezonin e ardhshëm, por trajneri holandez është i vendosur se ai nuk do të largohet nga Camp Nou.
“Nëse nuk shoh një të ardhme të rëndësishme për veten time, atëherë do të kemi një problem, sepse unë kam akoma kam një vit në kontratën time”, ka thënë Koeman.
Tani, duket më shumë se kurrë që holandezi do të vazhdojë më serioz në rolin e tij, me Laportan veçanërisht të kënaqur që tetë lojtarë nën moshën 23-vjeçare kanë realizuar debutimet e tyre në Ligën e Kampionëve.
Detaje si këto duket se po bindin bordin se Koeman është njeriu me të cilin do të ndërtojë projektin e ardhshëm, dhe rezultatet po përmirësohen edhe në të tashmen, me finalen e Kupës së Mbretit për ta zhvilluar dhe janë në garë po ashtu për titullin e La Ligës.
