Bashkitë e PS nuk gjejnë qetësi edhe pse kontrollojnë 100% të pushtetit vendor, pa opozitë dhe pa asnjë kundërshtar politik.
Një video e shpërndarë në rrjetet sociale tregon një mbledhje të tensionuar të këshillit bashkiak të Matit, këshill ky monopartiak, ku kryetari i Bashkisë, Agron Malaj, debaton me tone të ashpra me një prej anëtarëve socialistë.
Malaj i drejtohet anëtarit të këshillit më fjalë fyese “hajdut” dhe “legen”. “O hajdut, o legen, u bë fytyra jote“, dëgjohet në video zëri i Malajt.
Nga pamjet disa sekondëshe nuk kuptohet zanafilla e përplasjes. Mbledhja e tensionuar mësohet se është zhvilluar disa muaj më parë, por pamjet janë publikuar vetëm sot.
