E RËNDË/ Priste të bëhej baba, futbollisti në Itali pëson atak kardiak në mes të lojës dhe ndërron jetë
Kapiteni i Quingentole, Dimitri Roveri ka ndërruar jetë në moshën 28-vjeçare, pasi pësoi atak kardiak gjatë ndeshjes.
Sipas burimeve nga mediat e huaja, ngjarja e rëndë ka ndodhur në sy të familjarëve të lojtarit.
Në Casalpoglio ishin në fakt nëna e Dimitrit, babai i tij Angelo, një ish-lojtar i Serisë A dhe motra e tij Nicol, presidente e ekipit, të cilët nxituan menjëherë në fushë për t’i bërë të vëllait një masazh në zemër, përpara se të vinin mjekët.
Dimitri, i cili jetonte në Quingentole, njoftoi të dielën e kaluar miqve dhe familjes se do të bëhej baba i një djali. Ai ishte i fejuar me Sarën dhe punonte në RSA të Schivenoglia ku kujdesej për kopshtarinë dhe pastrimin e hapësirave të strukturës.
Si një tifoz i madh i Milanit, Dimitri, duhet të kishte shkuar nesër në mbrëmje në Verona për të parë ndeshjen ndaj Hellas, një ndeshje vendimtare për fatet e kampionatit në Itali./albeu.com/
