Një lajm i mirë ka ardhur nga spitali “Albert Einstein” ditën e enjte, ku Pele ka dalë nga spitali pas tre ditësh nën vëzhgim pasi po trajtohej nga kanceri në zorrën e trashë. Mjekët gjithashtu kanë raportuar se gjendja e tij është stabile dhe e mirë.
Shtatorin e kaluar, teksa po shkonte për një sërë ekzaminimesh rutinë që ishin shtyrë për 15 muaj për shkak të pandemisë së koronavirusit, mjekët zbuluan se Pele kishte kancer në zorrën e trashë, për të cilin tashmë një herë i është nënshtruar një operacioni.
Që atëherë, ai i është nënshtruar trajtimit që përfshin seancat e kimioterapisë. Ka pasur teste mujore për të kontrolluar efektivitetin e të gjithë trajtimit kundër tumorit.
Vitet e fundit, shëndeti i Peles ishte përkeqësuar edhe për shkaqe të tjera, si problemet e shtyllës kurrizore, ijeve dhe gjurit, të cilat ia pakësuan lëvizshmërinë dhe e detyruan t’i nënshtrohej operacioneve të tjera. Ai është futur edhe në spital në të kaluarën për disa probleme me veshkat./ h.ll/albeu.com
