Jemi në ditën e 27 të pushtimit rus në Ukrainë, këto janë disa nga zhvillimet kryesore të ditës:
- Presidenti amerikan Joe Biden ka dhënë paralajmërimin e tij më të fortë se Rusia mund të përgatitet të përdorë armë kimike dhe biologjike në Ukrainë.
- Biden thotë se udhëheqësi rus Vladimir Putin e ka “shpinën pas murit” si rezultat i rezistencës ukrainase dhe se ekzistonte rreziku që ai mund të përdorte taktika më të rënda
- Ministria e Mbrojtjes e Mbretërisë së Bashkuar thotë se forcat ruse duket se janë “të bllokuara në vend”, me Ukrainën që “vazhdon të zmbrapsë” përpjekjet për të pushtuar qytetin jugor të rrethuar të Mariupolit.
- Ukraina thotë se edhe 8,000 persona të tjerë u evakuuan nga zonat e konfliktit të hënën. Zëvendëskryeministrja Iryna Vereshchuk tha se kjo përfshinte rreth 3,000 njerëz nga Mariupol
- Udhëheqësi ukrainas Volodymyr Zelensky ka bërë thirrje përsëri për bisedime të drejtpërdrejta me Putinin, duke thënë se nuk do të ishte e mundur të negociohej një fund i luftës nëse ata nuk takohen.
- Dhe ushtria e Ukrainës thotë se forcat ruse kanë “rritur praninë e tyre të aviacionit në hapësirën ajrore të Ukrainës” në 24 orët e fundit. /albeu.com
