Sekretari amerikan i shtetit ka paralajmëruar se një zonë ndalim-fluturimi mund të çojë në një luftë të plotë në Evropë. Mënyra e vetme për të zbatuar një, tha ai, do të ishte dërgimi i NATO-s në hapësirën ajrore të Ukrainës për të rrëzuar avionët rusë.
Antony Blinken i bëri komentet sot pas takimit me homologët e tij të BE-së.
Ai tha se forcat ruse po përdornin metoda gjithnjë e më brutale në fushën e betejës – duke përfshirë sulmin ndaj popullatës civile.
Pushtimi rus i Ukrainës do të vazhdojë të rrisë kostot për presidentin e saj, shtoi ai.
“Dhjetëra miliona rusë do të vuajnë për shkak të vendimeve të rrezikshme të marra nga një rreth i vogël liderësh dhe miqsh të korruptuar. Nëse Kremlini nuk ndryshon kursin, ai do të vazhdojë në rrugën e izolimit në rritje dhe dhimbjes ekonomike,” tha ai.
