Organizata jofitimprurëse ‘People for Ethical Treatment of Animals’ (PETA) ka akuzuar lojtarin e Bayern Munichut Thomas Muller dhe gruan e tij Lisa për mizori ndaj kafshëve.
Konkretisht, çifti akuzohet se i kanë detyruar kuajt e tyre të kryejnë “akte seksuale të panatyrshme” në fermën e tyre për të marrë doza të spermës së kuajve që e ngrijnë dhe më pas i shesin mesatarisht 200 euro për dozë.
Pretendimi i PETA kundër Muller
Në një deklaratë të lëshuar javën e kaluar, Muller shpjegoi se një nga kuajt e tij, i quajtur D’Avie, pësoi një lëndim dhe do të pushojë për disa muaj.
“Fatkeqësisht, ne kemi lajme të këqija”, tha Muller.
“D’Avie ynë nuk do të jetë i disponueshëm në muajt e ardhshëm. Për fat të keq, ai rrëshqiti gjatë një përpjekjeje provë për t’u përgatitur për sezonin e riprodhimit dhe ra në mënyrë dramatike anësore duke u dëmtuar.
“Ai pësoi një dëmtim në zonën e thundrës dhe do të ketë nevojë për pushim të plotë për muajt e ardhshëm. Ai është një djalë i ashpër dhe mund të kishte qenë më keq.”
Ndërkohë, sipas ‘Daily Mail’, zëdhënësja e PETA-s Jana Hoger pohoi se praktika e tyre ishte e panatyrshme.
“Është e tmerrshme që adhuruesit e vetëshpallur të kuajve detyrojnë kafshët nën kujdesin e tyre të kryejnë akte seksuale të panatyrshme për të përfituar prej tyre”, tha ajo.
“Lëndimet që D’Avie pësoi nën mbikëqyrjen e Lisa dhe Thomas Muller ishin të parandalueshme dhe të panevojshme.”/ h.ll/albeu.com
