“U stërvit, gjithçka është në rregull”, Schots: Eriksen do të synojë rikthimin në fushë

Christian Eriksen nuk ka frikë dhe duke qenë se gjithçka po shkon mirë me shëndetin e tij, duket se do të synojë rikthimin në fushë, edhe pse tashmë ka një defibrilator në zemër.

Mesfushori danez pasditen e së premtes i dha fund zyrtarisht bashkëpunimit me Interin në një atmosferë krejtësisht miqësore plot respekt dhe vlerësim, marrë nga Protothema.

Ky zhvillim erdhi pasi në Itali ekziston një ligj që ndalon personat që kanë probleme me zemrën të ndjekin sportin profesional.

Ish-mesfushori i Tottenhamit aktualisht po stërvitet i vetëm në vendlindjen e tij, po forcohet, nuk has as më të voglin problem dhe duket se dëshiron të provojë rikthimin e madh.

“Gjithçka po shkon mirë deri tani. “Dhe testet që ka bërë për gjendjen e tij fizike janë të shkëlqyera, ai ndihet mirë dhe sigurisht që i bën ëndrrat e tij. Ai stërvit dhe gjithçka është në rregull”, tha zëdhënësi i tij, Martin Schots për Daily Mail. /albeu.com/