Gjykata e Rrethit Gjyqësor Pogradec ka vendosur 40 ditë burg për ish-drejtorin e shkollës në Pogradec, Adriatik Haxhillari, i cili ngacmonte me mesazhe dy vajza 14-vjeçare që ishin nxënëse në institucionin që ai drejtonte.
Hoxhillari është pezulluar nga detyra pas arrestimit.
Burime bëjnë të ditur se në asnjë moment Haxhillari nuk ka pranuar akuzat e ngritura ndaj tij madje i kundërshton ato duke thënë se akuzat janë të pavërteta. Ndërsa familjarët, jashtë kamerave kanë thënë se ai është i pafajshëm dhe se vajzat i kanë ngritur kurth.
Sipas informacioneve, mësohet se ai u dërgonte mesazhe dhe bënte shenja ngacmimi kundrejt dy vajzave të mitura gjatë orëve të mësimit.
Në prani të psikologes, dy 14-vjeçaret kanë rrëfyer se drejtori kishte dy javë që i ngacmonte seksualisht. Për pasojë, ato ishin detyruar që tu tregonin gjithçka familjarëve të tyre, të cilët kanë bërë dhe denoncimin në polici. Mesazhet drejtori ua dërgonte dhe gjatë orëve të natës./albeu.com
