Ylli i skuadrës romake, Justin Kluivert, ka folur lidhur me synimet e skuadrës së tij për pjesën e mbetur të sezonit.
Holandezi ka bërë të ditur se sapo sezoni të rifillojë, Roma do të fokusohet në luftën për një vend që dërgon në Ligën e Kampionëve.
“Nuk kam pushuar kurrë kaq gjatë. Vërtetë më mungon loja para tifozëve”, ka thënë Kluivert.
“Ne do të luftojmë për kualifikimin në Ligën e Kampionëve, nëse/kur të jemi gati për rikthimin në fushat e blerta”, shtoi holandezi.
Kluivert transferohej te skuadra e Romës nga Ajax Amsterdam. Lojtari po gjen veten mjaft mirë nën urdhrat e Fonseca.
