Votoi vetëm 51% e popullsisë, mbi 30 mijë vota të pavlefshme në Maqedoninë e Veriut

Komisioni Shtetëror Zgjedhor regjistroi 31.107 vota të pavlefshme në zgjedhjet e parakohshme parlamentare, sipas përpunimeve të 3.421 nga 3.480 qendrat e votimit.

Numri i votave të vlefshme është 869.533.

Gjithsej kanë votuar 927.640 qytetarë ose 51% nga 1.814.263 të regjistruar në Listën Zgjedhore.

“Dita e zgjedhjeve kaloi në një atmosferë të qetë, të drejtë dhe demokratike, pa një numër të konsiderueshëm parregullsish”, thanë autoritetet mbrëmë pas mbylljes së qendrave të votimeve.


Shtuar 16.07.2020 09:02