Vdekja e parakohshme e kryetarit të organizatës AANO, Meta: Humbje e madhe për komunitetin shqiptaro-amerikan

Kryetari i Organizatës AANO, Gjon Lulgjuraj ka ndërruar jetë ditën e sotme.

Lajmin e ka bërë të ditur presidenti i republikës Ilir Meta, i cili përmes një statusi në Facebook i shpreh ngushëllimet e tij familjes së të ndjerit.

Meta thotë se ikja e Lulgjurajt është humbje e madhe jo vetëm për familjen e tij, por dhe për komunitetin shqiptaro-amerikan.

Sipas Metës, Lulgjuraj spikati si aktivist i palodhur në shërbim të çëshjes kombëtare e forcimit të lidhjeve shqiptaro-amerikane.

Statusi i Metës

Me hidhërim mora lajmin për ndarjen e parakohshme nga jeta të z.Gjon Lulgjuraj, personalitet i shquar i komunitetit shqiptar në Shtetet e Bashkuara të Amerikës, kryetar i Organizatës 75-vjeçare shqiptaro-amerikane AANO.

Ideator dhe realizues për tre dekada të radio programit të parë në gjuhën shqipe për diasporën shqiptare në Miçigan dhe në Florida, ai spikati si aktivist i palodhur në shërbim të çështjes kombëtare dhe forcimit të lidhjeve shqiptaro-amerikane.

Vdekja e parakohshme e Gjon Lulgjurajt, është një humbje e madhe dhe e pazëvëndësueshme jo vetëm për familjen e tij, por edhe për mbarë komunitetin shqiptaro-amerikan, të cilëve ju shpreh ngushëllimet më të thella.

Personalitete si Gjon Lulgjuraj, me punën, kontributin dhe veprën e tyre jetësore, i kanë bërë dhe i bëjnë nder kombit tonë.

I paharruar kujtimi dhe të prehet në paqe! /albeu.com


Shtuar 28.08.2021 18:25

Tags: