Gërvalla: Nga buxheti prej 4.27 miliardë eurosh për vitin 2027, Ministrisë së Drejtësisë i takojnë 52.3 milionë euro

Buxheti i Republikës së Kosovës për vitin 2027 do të arrijë në 4.27 miliardë euro, ka bërë të ditur ministrja e Drejtësisë, Donika Gërvalla.

Në një postim, ajo njoftoi se 52.3 milionë euro nga kjo shumë janë ndarë për Ministrinë e Drejtësisë.

Gërvalla shprehu urimin që fondet e ndara të përdoren për realizimin e projekteve dhe të punëve të mira në shërbim të qytetarëve dhe të Republikës së Kosovës.