Në kuadër të operacionit “Periudha”, një 31-vjeçar është ndaluar nga Policia e Durrësit pas zbardhjes së katër vjedhjeve në biznese në zonën e Shkëmbit të Kavajës. I dyshuari, D. B., banues në Hajdaraj të Kavajës, dyshohet se ka vepruar së bashku me A. S., 31 vjeç, i cili është shpallur në kërkim.
Sipas hetimeve, dy të dyshuarit kanë marrë para dhe sende me vlerë nga markete e lokale në periudhën 17-21 tetor 2026, brenda vetëm pesë ditësh.
Të lidhura
None found
Rastet u zbardhën nga specialistët e Hetimit të Krimeve në Stacionin e Policisë Plazh, pas punës hetimore.
Hetimet po vijojnë në bashkëpunim me Prokurorinë për të përcaktuar nëse dy 31-vjeçarët kanë lidhje edhe me vjedhje të tjera në zonë.
Materialet procedurale i janë dërguar Prokurorisë së Durrësit për veprime të mëtejshme.
