Armando Broja qëndroi vetëm 13 minuta në fushë në përballjen e Burnley-t ndaj Lincoln, ku kishte nisur ndeshjen nga minuta e parë. Sulmuesi i Kombëtares shqiptare pësoi një tjetër dëmtim, ndërsa informacionet e bëra publike nga ish-trajneri i skuadrës nuk janë inkurajuese.
Nicky Hayen ka marrë vesh se problemi fizik i Brojës mund të jetë serioz, bazuar në atë që i kishte komunikuar stafi mjekësor para se atij t’i njoftohej shkarkimi.
Të lidhura
None found
“Ndjeu një kërcitje në zonën e ijëve. Është një tjetër dëmtim. A është serioz? Kështu mendoj, por duhet të presim. E ndjeu shumë keq”, deklaroi Hayen.
Situata ka shtuar shqetësimin edhe në kampin e Kombëtares, ku pritej që gjendja shëndetësore e Brojës të përmirësohej. Nëse diagnoza konfirmon një dëmtim të rëndë dhe sulmuesi duhet të qëndrojë për një periudhë të gjatë jashtë fushës, rikthimi i tij në Kombëtare do të bëhej me shumë gjasë i pamundur në këto rrethana.
