Bashkëshorti i këngëtares, Fjolla Morina ka rezultuar pozitiv me Covid-19. Lajmin e ka bërë të ditur vetë Fisnik Syla përmes një postimi në Instastory, duke deklaruar se është infektuar me variantin Delta të Covid-19.
Fisniku shkruan se është vaksinuar, prandaj gjendja e tij shëndetësore është e mirë.
“Të dashur miq, unë edhe pse jam i vaksinuar, jam infektuar me virusin Covid 19, variantin Delta. Nuk po ndihme edhe aq mirë, por sigurisht po të mos isha i vaksinuar do të isha edhe shumë më keq. Porosia ime për të gjithë:
Ju lutem vaksinohuni me parë, sepse është e vetmja zgjidhje për të mposhtur këtë virus”, ka shkruar Syla.
Kujtojmë që Fjolla Morina u arrestua më 19 korrik në Prishtinë. Ajo është dënuar me 6 vite burg në mungesë për veprën penale “trafikim armësh”.
