Një 20-vjeçar është arrestuar nga policia e Tiranës, pasi një ditë më parë aksidentoi për vdekje me motor një të moshuar, e cila po ecte në këmbë.
Ngjarja ka ndodhur në Rrugën e Dibrës, ndërsa raportohet se edhe drejtuesi i motorit mbeti i lënduar.
Të lidhura
None found
Pas aksidentit e moshuara është transportuar në spital për ndihmë mjekësore, por, pavarësisht ndërhyrjes së mjekëve, ka ndërruar jetë rreth orës 22:40.
Njoftimi i policisë:
Specialistët e Komisariatit të Policisë Rrugore Tiranë arrestuan në flagrancë shtetasin E. M., 20-vjeç, pasi më datë 03.10.2026, rreth orës 19:35, në Rrugën e Dibrës, me motomjetin që drejtonte, ka aksidentuar këmbësoren, shtetasen Sh. M., 75-vjeçe, e cila ka ndërruar jetë rreth orës 22:40, në spital.
Gjithashtu, është dëmtuar dhe drejtuesi i motomjetit, shtetasi E. M., i cili ndodhet në spital, jashtë rrezikut për jetën.
Materialet procedurale i kaluan Prokurorisë, për veprime të mëtejshme.
