Alen Sherri ishte ndër protagonistët e Shqipërisë në ndeshjen kundër San Marinos. Krahas repartit ofensiv, që siguroi golat e kësaj mbrëmjeje “magjike”, edhe portieri i Cagliarit dha kontributin e tij me disa pritje vendimtare.
Pas paraqitjes së tij, Sherri vendosi ta ndajë emocionin me ndjekësit në Instagram. Portieri kuqezi shkroi se kjo do të ishte një natë që do ta mbante gjatë në kujtesë, duke e cilësuar gjithashtu si një ëndërr të realizuar. “Shumë krenari të vesh këtë fanellë”, shprehet ai.
Të lidhura
None found
Besimi i trajnerit Rolando Maran u shpërblye në mënyrën më të mirë, ndërsa mungesa e Thomas Strakoshës dhe gara për vendin e titullarit me Etrit Berishën duket se i kanë shërbyer portierit. Për këtë arsye, nuk përjashtohet mundësia që Sherri të jetë sërish në garë për një vend titullari në sfidën ndaj Finlandës.
