Një banesë në Lagjen 12 të Korçës është përfshirë nga zjarri, duke shkaktuar dëme materiale. Sipas informacionit të deritanishëm, nuk ka persona të lënduar.
Paraprakisht, dyshohet se shkak i zjarrit është bërë një bombol gazi. Ngjarja shënon rastin e dytë të tillë në qarkun e Korçës, pas zjarrit të mëparshëm të regjistruar në Maliq, i cili gjithashtu dyshohet se u shkaktua nga një bombol gazi.
Të lidhura
None found
Shërbimet zjarrfikëse u vunë në lëvizje pas njoftimit dhe ndërhynë në banesë për të neutralizuar flakët. Operacioni bëri të mundur lokalizimin e zjarrit dhe vendosjen e situatës nën kontroll.
Autoritetet po vijojnë hetimet dhe verifikimet për të përcaktuar shkakun e saktë, si edhe rrethanat në të cilat ndodhi zjarri.
