Barcelona po e ndjek nga afër mesfushorin ofensiv të Djurgardenit, Bo Hegland, pasi përfaqësues të klubit katalanas ishin të pranishëm për ta parë atë nga afër, raporton Expressen.
Të lidhura
None found
22-vjeçari norvegjez po zhvillon një sezon mbresëlënës, me nëntë gola dhe 17 asistime në të gjitha garat.
Vëzhguesit e Barcelonës e ndoqën Heglandin të hënën, gjatë përballjes së ligës suedeze ndaj GAIS-it.
Gjatë verës, futbollisti kishte refuzuar një ofertë nga Anderlechti i Belgjikës. Për të ka shfaqur interes edhe Newcastle Unitedi, ndërsa tashmë në garë mund të përfshihet edhe Barcelona.
Klubi katalanas po kërkon lojtarë të talentuar si përmes akademisë së tij, ashtu edhe në tregun ndërkombëtar. Kohët e fundit, Barcelona ka afruar futbollistë të rinj, mes tyre Hamza Abdelkarim dhe Jesse Bisiwu.
Hegland ka kontratë me Djurgardenin deri në vitin 2029.
Sipas raportimit, një ofertë nga Barcelona do të ishte shumë e vështirë për t’u refuzuar.
