Fiorentina ka marrë një fitore të rëndësishme në transfertën ndaj Venezias, ku protagonisti kryesor ishte Franco Mastantuono, futbollisti i huazuar nga Real Madridi.
Pas kritikave për paraqitjet e tij të para me skuadrën italiane, Mastantuono reagoi në mënyrën më të mirë të mundshme, duke shënuar tri gola në suksesin 2-4 të Fiorentinës.
Të lidhura
None found
Ai fillimisht kaloi me mjeshtëri kundërshtarët dhe, me një goditje të fuqishme, vendosi baraspeshën në minutën e 29-të. Vetëm një minutë më pas, në të 30-tën, realizoi sërish për t’i dhënë Fiorentinës epërsinë.
Golin e tretë e shënoi në minutën e 84-t, kur përfitoi nga një top i kthyer dhe u gjend në pozicionin e duhur për të vulosur fitoren e ekipit të tij.
Me këtë triumf, Fiorentina siguroi pikët e para në Serie A, ndërsa Venezia vazhdon të mbetet pa pikë.
Trajneri i skuadrës vendase nuk e aktivizoi Albion Rrahmanin, i cili e ndoqi të gjithë ndeshjen nga stoli.
