Pas disa orësh marshim dhe tubim në kryeqytet, ka përfunduar protesta e 104-të kundër qeverisë në Tiranë.
Protesta nisi në sheshin “Skënderbej”, vijoi me ndalesën para Kryeministrisë dhe më pas u zhvendos drejt Ambasadës së Malit të Zi. Ky marshim u zhvillua në shenjë kundërshtimi ndaj ndalimit të autokolonës me shqiptarë të diasporës në Nikshiq.
Të lidhura
None found
Gjatë tubimit, protestuesit drejtuan thirrje kundër qeverisë dhe kryeministrit Edi Rama, ndërsa kërkuan edhe arrestimin e tij dhe të ish-zëvendëskryeministres Belinda Balluku.
Protesta u mbyll me sloganin “Nesër më shumë!”, përmes të cilit pjesëmarrësit paralajmëruan se aksioni do të vijojë.
Të shtunën pritet të zhvillohet një tubim kombëtar, ku do të marrin pjesë edhe shqiptarë të diasporës që kanë udhëtuar drejt Shqipërisë. Organizatorët kanë bërë thirrje për pjesëmarrje masive në protestën e radhës.
