Malisheva ka regjistruar një tjetër sukses në kampionat, duke triumfuar bindshëm përballë Gjilanit në fushën e vet.
Të lidhura
None found
Skuadra vendase mori tri pikët pas një fitoreje të pastër 3-1 në stadiumin “Liman Gegaj”.
Ndeshja nisi me vrull për vendësit, teksa Isgandarli shfrytëzoi një pasim të Xhylanit dhe e dërgoi topin në rrjetë që në minutën e nëntë.
Megjithatë, mysafirët u rikthyen shpejt në lojë falë Oltion Bilallit, i cili barazoi shifrat pas një shërbimi nga Thaqi në minutën e 19-të.
Episodi i dytë i takimit i përkiste plotësisht Isgandarlit, që mori rolin e protagonistit absolut. Në një hark prej katër minutash, ai goditi dy herë portën kundërshtare, duke kompletuar tripletën personale dhe duke siguruar rezultatin përfundimtar 3-1 (71′, 75′).
Ky sukses e ngjit Malishevën në krye të Superligës me 10 pikë pas katër javësh, ndërkohë që Gjilani zbret në vendin e gjashtë me shtatë pikë të grumbulluara.
