Kryeministri Edi Rama ka reaguar në Twitter në lidhje me tërmetin vdekjepruerës në Turqi e Siri.
Ai bën me dije se Shqipëria do të nisë sot mision shpëtimi në Turqi për t’iu vënë në ndihmë të prekurve nga tërmeti.
Teksa shprehet i pikëlluar për tërmetin që ka lënë të paktën 500 viktima, Rama dërgon ngushëllimet më të thella për të afërmit e viktimava, ndërsa uron shërim të shpejtë për të lënduarit.
Deeply saddened about this morning news on the devastating earthquake hitting parts of Türkiye and Syria. Our deepest condolences to the many families that lost lives and wishing a fast recovery of the injured. A rescue mission of solidarity will depart today for Türkiye ??❤️??
— Edi Rama (@ediramaal) February 6, 2023
“I pikëlluar thellësisht për lajmin e mëngjesit të sotëm për tërmetin shkatërrues që goditi disa pjesë të Turqisë dhe Sirisë. Ngushëllimet tona më të thella për familjet e shumta që humbën jetën dhe u urojmë shërim të shpejtë të lënduarve. Një mision shpëtimi solidariteti do të niset sot për në Turqi”, shkruan Rama.
Kujtojmë se Turqia nështë një nga vendet që ka ndihmuar më së shumti vendin tonë kur u prek nga tërmeti tragjik i 26 nëntorit, 2021.
Një tërmet prej 7.8 shkallësh të Rihterit goditi të hënën pjesën juglindore të Turqisë dhe atë veriore të Sirisë.
Në dy shtetet janë raportuar për qindra viktima dhe të plagosur. Autoritetet turke thanë se numri i viktimave ka arritur në 284, ndërkaq autoritetet në Damask raportuan për 237 të vdekur.
Turqia shpesh goditet nga tërmete të fuqishme, por disa ekspertë kanë vlerësuar se ky ishte një ndër tërmetet më të mëdha.
Sizmologu nga Longond College, Stephen Hicks, tha se edhe një tërmet prej 7.8 shkallësh kishte goditur Turqinë më 1939, duke vrarë 30.000 persona.
/albeu.com/
