Të shtënat me armë zjarri në fshatin Ferras të Divjakës, janë dëgjuar pranë banesës së ish-punonjësit të FNSH, Pëllumb Beqiri.
Ndërkohë në një informacion paraprak për mediat policia tha se një person ende i paidenfitikuar kishte qëlluar në ajër.
“Sot rreth orës 18:50, në fshatin Ferras, Divjakë, dyshohet se një person ende i paidentifikuar ka qëlluar njëherë në ajër me armë zjarri. Në vendngjarje ndodhet grupi hetimor dhe po punon për zbardhjen e plotë të kësaj ngjarje. Shërbimet e Policisë po krehin zonën me qëllim kapjen e personit që dyshohet se ka qëlluar me armë zjarri”, thuhej në njoftimin për mediat.
