Liga Premier mund të merr vendim për të luajtur ndeshje prapa dyerve të mbyllura deri në fund të këtij sezoni, por edhe fillimin e sezonit të ardhshëm.
Një takim do të mbahet të premten e ardhshme, ku do të diskutohet për hapat e ardhshëm që do të merren në futbollin anglez.
Sipas The Mirror, Liga Premier do të presë deri në fund të majit ose fillimin e qershorit për të rifilluar sezonin.
Sidoqoftë, gazeta angleze shkruan se jo vetëm nëntë ndeshjet e mbetura të sezonit 2019/20, mund të luheshin pas dyerve të mbyllura, por edhe ato të muajve të parë të sezonit 2020/21.
Tifozët e Premier League mund të mos lejohen të futen në stadiume deri në vitin 2021, sipas këtyre raporteve.
Sidoqoftë, Liga Premier po punon për përfundimin e këtij sezoni në mënyrë që të shmanget humbja e 850 milion eurove nga të drejtat televizive. /Telegrafi/
