Helikopter privat për të takuar Raiolën, Ibra dhe Donaruma braktisin stërvitjen me Milanin

Zlatan Ibrahimoviç dhe Xhanluigji Donaruma kanë marrë një helikopter privat për të takuar agjentin, Mino Raiola në Monte Karlo, ku do të diskutohet për rinovimin me Milanin.

Sipas “Calciomercato.com” dyshja ështa larguar më herët nga stërvitja sot për të takuar Raiolën, që përfaqëson të dy futbollistët.

Kontrata e Ibrahimoviçit skadon në fund të sezonit dhe flitet se mund të vazhdojë të qëndrojë tek Milani pas konfirmimit të Piolit në stolin e kuqezinjëve. Sipas “Calciomercato.com” mes suedezit dhe Milanit po diksutohet për mundësinë e rinovimit, ku kuqezinjtë ofrojnë 4 milionë por Ibra kërkon 6 milionë euro pagë në sezon.Por pavarësisht kësaj gazeta italiane pretendon se Ibrahimoviç do qëndrojë tek Milani.

Përsa i përket Donarumës, kontrata e portierit skadon në qershor të vitit 2021 dhe mbetet të shikohet nëse italiani do kërkojë një klauzolë largimi nëse Milani dështon të kualifikohet në Ligën e Kampionëve sezonin tjetër.


Shtuar 25.07.2020 17:26