Kur pritej që nesër të zbriste në fushë kundër Breshias, trajneri i Juventusit Mauricio Sarri ka vendosur të mos e grumbullojë sulmuesin portugez për këtë takim.
Klubi bardhezi publikoi listën me 20 futbollistë që do janë thirrur për sfidën kundër Breshias në “Allianz Stadium”.
Duke parë kalendarin e ngjeshur si ndeshjet radhazi kundër Interit (1 mars në kampionat) dhe ndaj Milanit (4 mars, Kupë e Italisë), tekniku Sarri vendosi t’i japë pushim portugezit për të qenë në formën e duhur për sfidat radhazi me dy rivalët e përjetshëm.
Ndërkohë, është grumbulluar kapiteni Xhorxho Kielini, i cili ka lënë pas dëmtimin në ligament dhe pritet të prijë skuadrën në sfidat e radhës.
