Nje 49-vjecar nga Tirana ka përfunduar në pranga, pas finalizimit të operacionit në fushën e narkotikëve, i koduar “Taksisti”.
Ne pranga u vu shtetasi O. M., 49 vjeç, banues në Tiranë.
“Në vendin e quajtur “Pushimi i shoferit”, gjatë kontrollit të automjetit të tij tip “Benz”, u gjet dhe u sekuestrua në cilësinë e provës materiale 6 kg lëndë narkotike canabis sativa”- njofton policia.
NJOFTIMI:
Në vijim të punës për goditjen e veprimtarisë kriminale në fushën e narkotikëve, Specialistët për hetimin e narkotikëve në DVP Fier në bashkëpunim me shërbimet e Komisariatit të Policisë Lushnjë, kanë finalizuar me sukses një tjetër operacion antidrogë të koduar “Taksisti”.
Në kuadër të këtij operacioni, bazuar në informacione të marra në rrugë operative, u bë arrestimi në flagrancë i shtetasit O. M., 49 vjeç, banues në Tiranë, pasi në vendin e quajtur “Pushimi i shoferit”, gjatë kontrollit të automjetit të tij tip “Benz”, u gjet dhe u sekuestrua në cilësinë e provës materiale 6 kg lëndë narkotike canabis sativa.
Materialet i kaluan Prokurorisë pranë Gjykatës së Shkallës së Parë Lushnjë për veprën penale “Prodhimi dhe shitja e narkotikëve”.
