Ditën e djeshme 8 socialistë i dërguan Kongresit të PS propozim ndryshimet për drejtimin e Partisë.
Një ditë më vonë, kryeministri Rama ka reaguar në lidhje me këtë lëvizje të socialistëve, duke deklaruar se e ka “shtëpinë e socialistëve top”.
Gjatë prezantimit të Projektit të Rindërtimit, kryeministri Edi Rama ia ka kthyer shkurt gazetares, ku tha se nuk është në komitet për të folur për socialistët, pasi ata e kanë shtëpinë top.
Po ashtu ai nuk harroi të përdorë ironinë, duke i thënë gazetarëve të mos dëgjojnë socialistët e vjetër, pasi në PS janë të gjithë të rinj.
“Socialistët janë gjithmonë të rinj, mos harroni Dritëro Agollin. Ishte disa dekada më i vjetër, por ishte më i ri se ju. Mos flisni me socialistët e vjetër.
Të jesh socialist do të thotë të mos jesh asnjëherë i vjetër. E dyta, e përsëris jam këtu për ata që kanë humbur shtëpitë, socialistët e kanë shtëpinë top.
Kur ke shtëpinë top, të tjerat janë luks, të gjitha diskutimet, debatet. Nuk kemi problem me shtëpinë e socialistëve, e kemi top, të gjithë pa dallim moshe”, tha Rama. /albeu.com/