Kryeministri Edi Rama paralajmëroi sot se shumë shpejt do të nisë edhe ndërtimi i segmentit Morine-Fier.
Rama ironizoi me paraardhësit për atë që ai e quajti propagandimin e ndërtimit të rrugëve duke thënë se më parë janë ndërtuar rrugë që të nxjerrin maleve “si paranojë për t’u mbrojtur nga ardhja e shpejtë e pushtuesve imagjinarë”.
“Trashëgojmë një situatë që kërkon durim e stërmundim të madh edhe për faktin se çka u ndërtua më parë nuk u ndërtua në fakt, por u bë sikur,” shtoi kreu i qeverisë më tej.
Për ta bërë më të thjeshtë situatën, Rama e krahasoi situatën me një rrobaqepës që pret një kostum për të me masat e dy deputetevë, Braçes dhe Finos.
“Si të presësh një kostum për mua e masat për krahët t’ia marrësh Braçes, masat për pantallonat t’ia marrësh Bashkim Finos, masat për supet t’ia marrësh…, me gjeni një tjetër të gjatë se nuk më kujtohet”.
