Kompania “Island Express” që zotëronte helikopterin “Sikorsky S-76B” ka pezulluar të gjitha aktivitetet e saj pas tragjedisë që vrau ish-basketbollistin Kobe Bryant.
Kjo vlen si për fluturimet e planifikuara ashtu edhe për ato të ardhshmet.
“Të gjitha shërbimet u pezulluan pas aksidentit tragjik të së dielës së 26 janarit. Kjo ka prekur stafin dhe menaxhmentin e kompanisë, e cila ka vendosur të ndërprejë aktivitetet për sa kohë që e konsideron të përshtatshme për stafin dhe klientët”, thuhet në njoftim nga kompania.
Ndërkohë, hetuesit që po merren me rrethanat e aksidentit, që la të vdekur nëntë persona, po përpiqen të zbulojnë nëse piloti kishte leje speciale për të fluturuar në kushte me mjegull.
Moti i keq është konsideruar si njëri prej shkaqeve të aksidentit tragjik që la të vdekur edhe ish-basketbollistin Kobe Bryant.
