Dritan Dajti vrau në vitin 2009 katër oficerë policie. Gjykata e dënoi përjetë, por në Apel Dajti arriti të përfitojë nga gjykimi i shkurtuar dhe i shpëtoi burgut përjetë me 25 vjet heqje lirie.
Pak ditë më parë disa pamje të publikuara në media treguan sesi Dritan Dajti ishte lënë i lirë nga qelia dhe po shoqërohej drejt një dentisti në zonën e njohur të ish- bllokut në Tiranë.
Por sipas gazetarit investigativ Artan Hoxha, ajo nuk ka qenë hera e parë që Dajti apo të tjerë persona me rrezikshmëri të lartë, kanë lënë qelitë e tyre për të marrë shërbime të ndryshme. I ftuar në abcnews, Hoxha madje tha se ka të dënuar që fill pas seancave gjyqësore, i kërkojnë policisë t’i bëjnë “ndonjë xhiro” nëpër Tiranë.
“Pse hera e parë është që shkon Dritan Dajti tek dentisit? Unë them jo. Ka dy plane që mud ta shohësh këtë ngjarje. Së pari, ai lejohet një të dënuari të marrë këtë shërbim mjekësor? Nëse po, ku është problem aty. Pastaj duhet parë edhe nëse ishin marrë masat për shoqërimin e tij në mënyrë që të mos ketë kontakte me persona të tjerë, të arratiset apo të marrë një informacion që e ka të pamundur ta marrë në burg? Që masat janë marrë, janë marrë sepse ai është kthyer sërish në qeli. Ky fakt tregon që masat janë marrë.
E di ti që ka të dënuar që pasi dalin nga salla e gjyqit i kërkojën togës që bën shoqërimin ‘na bëj dhe një xhiro’? Sepse ata janë të izoluar dhe kanë dëshirë të shohin. Ne kujtohemi kur e kap media dhe e denoncon…por s’e dimë se çfarë bëhet aty brenda. Mua më çudisin këto reagimet më pas që shkarkojë togën. Ti mos e lejo atë të dënuarin të shkojë, kaq mos e lejo. Merr dentistin, nëse të dënuarit ja lejon xhepi dhe e çon në burg,”- tha Artan Hoxha.
Hoxha ka folur po ashtu rreth masave të marra në burgje, ku të dënuarve sipas tij nuk u lejohet të takohen me gazetarë. Pa i përmendur emrin, Artan Hoxha ka ironizuar dhe drejtorin e burgjeve Agim Ismaili, duke thënë se kjo bëhet që të mos i dalin ‘të palarat’ zyrtarëve të burgjeve.
“Drejtori i Përgjithshëm ka marrë masa të rrepta që nuk lejon asnjë gazetar të takojë të dënuarit. Sepse nëse i dënuari kërkon të kontaktojë me një media kundrejt një rregulli, nëse e lejon ligji kontakton. Unë kam tentuar disa herë të kontaktoj të burgosur që u lejohet. Unë kontaktoj me ta, sa herë kam nevojë.
Si person i thjeshtë mund të futesh, ndërkohë si gazetar në mënyrë taksative, thotë jo. Unë mund ta nxjerr tani në lidhje live një të burgosur dhe po ta bëj unë këtë, ai drejtori atje ikën për lesh. Por unë s’jam bëj dot këtë sepse nuk dua të shkel ligjin. Kjo e gjitha bëhet që atyre të mos u dalin të palarat,”- u shpreh Artan Hoxha.
