Kreyedemokrati Lulzim Basha, me anë të një mesazhi të dhënë sot shprehet se pikërisht, tani është koha për njohje reciproke mes Republikës së Kosovës dhe Republikës së Serbisë.
Ky mesazh, vjen pas takimeve intensive dy ditore në Prishtinë me krerët më të lartë të politikës në Kosovë.
Sipas Bashës, njohja reciproke do iu shërbejë qytetarëve të dy vendeve, paqes dhe stabilitetit të rajonit.
Mesazhi i Bashës:
10 vjet më parë GJND konfirmoi se shpallja e pavarësisë së Kosovës ishte në përputhje me të drejtën ndërkombëtare.
Sot është koha për njohje reciproke mes Republikës së Kosovës dhe Republikës së Serbisë. Kjo i shërben qytetarëve të dy vendeve, paqes dhe stabilitetit të rajonit.
Shqipëria në krah të Kosovës me diplomacinë e saj dhe në koordinim të plotë me partnerët tanë strategjikë 🇺🇸&🇪🇺, dha gjithçka për shpalljen e pavarësisë dhe njohjen ndërkombëtare të Kosovës. Së bashku, në krah të njëri-tjetrit, do të përballojmë çdo sfidë e sigurojmë të ardhmen.
