Policia e Durrësit ka arrestuar dy persona pasi akuzohen për dhunë në familje.
Një nga shtetasit ka ushtruar dhunë fizike dhe psikologjike ndaj kunatit të tij, ndërsa tjetri ndaj vëllait të tij.
Njoftim i policisë
Arrestohen në flagrancë dy shtetas për veprën penale “Dhuna në familje”.
Specialistët për hetimin e krimeve në Komisariatin e Policisë Durrës, arrestuan në flagrancë shtetasit:
-A.S., 30 vjeç, banues në Durrës.
Ky shtetas ka ushtruar dhunë fizike dhe psikologjike ndaj kunatit të tij,shtetasit F.A.
-D.K., 37 vjeç, banues në Durrës, pasi ka ushtruar dhunë fizike dhe psikologjike ndaj vëllait të tij,shtetasit K.K.
Materialet i kaluan Prokurorisë së Rrethit Gjyqësor Durrës për veprime të mëtejshme.
