Ditën e djeshme është vënë në pranga një biznesmene shqiptare në Këlcyrë.
Në pranga është vënë shtetasja Elona Bejo pasi gjatë një kontrolli në banesën e saj i është gjetur një armë pa leje.
Arrestimi isaj erdhi pasi Bejo akuzoi bashkëshortin e saj, një shtetas francez për dhunë fizike, i cili tashmë është në kërkim.
Por kush është Elona Bejo?
Bejo është një biznesmenë në zonën e Këlcyer e prezantuar nga vetë kryeministri Rama duke e cilësuar atë si model suksesi.
Biznesmenia bashkë me bashkëshortin e saj francez u rikthyen në vendlindje dhe ndërtuan një fermë.
“Historia është edhe e thjeshtë edhe e komplikuar. Im shoq është francez, kemi gati 2 vjet e gjysmë që punojmë e investojmë këtu dhe kemi shumë pak kohë që jemi hapur. Gjithçka po shkon shumë mirë, është edhe më lart nga sa e kemi pritur interesi dhe suksesi i fermës.
Tani me sezonin turistik, edhe sepse kemi bërë pak publicitet nëpër guida turistike, ka të huaj edhe shqiptarë që vijnë se kemi eksperiencë në këtë fushë, kemi qenë në një qytet tjetër në Elbasan, eci aty dhe erdhëm ta përsërisim në vendin e origjinës sime”, tregonte asokohe e lumtur Elona.
Rama: Ju jeni një ndër shembujt pozitivë dhe ne jemi të interesuar t’i promovojmë e të nxisim të tjerët të hyjnë në këtë rrugë.
