Piloti i helikopterit të Kobe Bryant që u aksidentua ditën e djelë me 9 persona në bord u ka thënë kontrollorëve të trafikut se po ngjitej lart për të shmangur një shtresë resh.
Ky ishte mesazhi i fundit audio i tij, përpara se mjeti fluturues të rrëzohej nga një lartësi mbi 300 metra në një zonë kodrinore.
Të lidhura
None found
Dy minuta më vonë, dikush në terren telefonoi policinë për të raportuar rrëzimin e një helikopteri.
Ara Zobayan kishte kërkuar dhe kishte marrë një leje speciale për të fluturuar në mjegull të dendur pak përpara se të ndodhte aksidenti që i mori jetën nëntë personave.
Hetuesit thanë po ashtu se helikopteri nuk kishte kuti të zezë. Por ata thanë se një iPag që përdorej për itinerarin e fluturimit, mund t’i ndihmojë.
Për momentin, zona ku ndodhi aksidenti po kontrollohet nga policia për shkak të vandalëve që duan të marrin gjëra për t’i shitur në rrjet.
