Ora 18:00, Angli-Gjermani do të “ngulë” para TV miliona njerëz. Njëra nga këto skuadra kërkon çerekfinalet në EURO 2020 dhe në Britaninë e Madhe kanë menduar të motivojnë skuadrën e tyre në një mënyrë unike.
Faqja e parë e “The Sun” është hapur më një titull goditës, që përmban edhe nota të thella ironie e ndoshta edhe deri në sarkazëm.
Një mesazh i qartë për Harry Kane, sulmuesin kryesor të Anglisë që duhet të shënojë tani, kur duhet, përcjell abcnews.
“Forca Harry, edhe Hancock shënoi”, shkruhet në titullin e përzgjedhur nga tabloidi britanik, duke i kujtuar sulmuesit “golin” që shënoi Matt Hancock, ministri i Shëndetësisë që u kap duke u puthur me këshilltaren e tij dhe më pas dha dorëheqjen.
