Legjenda e futbollit francez Zinedine Zidane ka pranuar se nuk është krenar për goditjen me kokë ndaj italianit Marco Materazzi në finalen e Kupës së Botës 2006.
“Nuk jam aspak krenar për atë që kam bërë, por është pjesë e rrugëtimit tim”, tha ai për Telefoot. “Jo çdo gjë në jetë është perfekte. Ka gjithmonë momente të vështira në futboll dhe ky ishte një prej tyre”.
Kujtojmë se në finalen e Botërorit 2006, Zidane hapi rezultatin në minutën e 7-të, duke realizuar 11-metërshit. Duhet theksuar se francezi goditi penalltinë me panenka, Gianluigi Buffon nuk pati asnjë shans. Në minutën e 19-të, Marco Materazzi barazoi nga këndi. Në minutën e 110-të Materazzi provokoi Zidanin dhe francezi goditi me kokë italianin në gjoks, për çka u largua.
Franca e humbi atë finale me penallti 3-5 dhe për Zidanin kjo ndeshje ishte e fundit në karrierën e tij si futbollist. Sipas disa raporteve, Materazzi ofendoi të afërmit e Zidane dhe motrën e tij. /albeu.com/
