Martin Odegaard ka shpjeguar faktorët që kanë ndikuar në paraqitjet e tij të shkëlqyera në nisje të këtij sezoni, duke thënë se tashmë është rikuperuar plotësisht nga problemet fizike të edicionit të kaluar.
Të lidhura
None found
Kapiteni i Arsenalit ka arritur të kapërcejë dëmtimet dhe shqetësimet e vazhdueshme fizike që sezonin e kaluar e penguan të shfaqte nivelin e tij më të lartë.
Sipas mesfushorit norvegjez, suksesi i Arsenalit në Ligën Premier sezonin e kaluar ka ndikuar pozitivisht te ai dhe te skuadra, duke u dhënë më shumë siguri dhe vetëbesim.
“Sezonin e kaluar kalova shumë periudha të vështira për shkak të dëmtimeve. Për mua ishte një situatë e vështirë”, deklaroi Odegaard për “VG”.
“Jam shumë i kënaqur që po luaj dhe që ndihem mirë e në formë. Kisha disa pengesa dhe në disa raste luajta pa qenë 100 për qind, ndërsa tani ndihem vërtet mirë”.
“Në Kupën e Botës shkova në gjendje të mirë, zhvillova një turne shumë të mirë dhe atë ritëm e mora me vete edhe në këtë sezon”.
“Tani ndihemi ndryshe dhe më të fortë. Nga çdo përvojë duhet të mësosh diçka. Fitimi i Ligës Premier të jep një besim të një niveli tjetër”, përfundoi kapiteni i Arsenalit.
