Arda Guler ka shënuar gjashtë gola nga gjashtë goditjet e tij në portë për Real Madridin këtë sezon. Sensacioni turk ka luajtur 12 ndeshje për Madridin, por ka startuar në vetëm pesë prej tyre.
Guler, i cili ishte shumë afër nënshkrimit për Barcelonën verën e kaluar, luftoi me lëndime dhe nuk mundi të futej në skuadrën e mbushur me yje të Real Madridit. Por adoleshenti ka zbuluar se si trajneri i Real Madridit, Carlo Ancelotti vazhdonte ta inkurajonte atë.
“Edhe kur nuk po luaja, ai (Ancelotti) gjithmonë komunikonte me mua. Ai më tha të bëja durim dhe të vazhdoja të punoja, se koha ime do të vinte. Këto fjalë më dhanë vërtet besim”, deklaroi Guler.
“Jam i dashuruar me topin, më pëlqen të luaj futboll dhe falë Zotit po i shënoj këta gola”.
Tifozët në Reddit duan që Xavi të mësojë nga shembulli i Ancelottit në trajtimin e tij ndaj Vitor Roques.
Ja çfarë kanë thënë fansat – Ziki: “Xavi, mbaj shënime”, Hai: “Kurioz për të parë se çfarë do të ndodhë me Vitorin tani. Kudo që ai shkon vetëm shpresoj që ta trajtojnë më mirë, gjë që tani nuk është tamam një nivel i lartë për t’u vendosur”.
Roque ka shënuar vetëm dy gola këtë sezon për Barçën në 15 paraqitjet e tij. Por ai ka nisur vetëm dy ndeshje dhe ka luajtur 304 minuta. Guler ka luajtur 374 minuta dhe ka gjasa të nisë ndeshjen e radhës të Madridit. /Telegrafi/
