Ish-sulmuesi i njohur anglez, Wayne Rooney, ka shprehur bindjen se suksesi i Argjentinës në finalen e Kupës së Botës 2026 do t’i japë fund njëherë e mirë diskutimit mbi futbollistin më të madh të të gjitha kohërave.
Të lidhura
None found
Sipas tij, nëse Albiceleste mposht Spanjën në ndeshjen vendimtare, edhe tifozët më të zjarrtë të Cristiano Ronaldos do të detyrohen të pranojnë epërsinë e Lionel Messit. “Një fitore e Argjentinës në Botëror do të zhdukte çdo pikëpyetje. Debati për më të mirin e historisë do të mbyllej përfundimisht, dhe mendoj se edhe mbështetësit e Ronaldos duhet ta respektojnë këtë përfundim”, u shpreh Rooney.
Ish-kapiteni i Anglisë vijoi duke theksuar se pavarësisht se gjithmonë ka pasur hapësirë për të zgjedhur midis dy yjeve, ajo çfarë ka arritur Messi në këtë turne botëror, si në të kaluarën ashtu edhe tani në moshën 39-vjeçare, do t’i japë fund çdo diskutimi.
Finalja e madhe midis Spanjës dhe Argjentinës do të luhet sot, më 19 korrik, duke nisur nga ora 21:00.
Gjatë shtatë ndeshjeve të zhvilluara në këtë Botëror, Lionel Messi ka shënuar tetë gola dhe ka ofruar katër asistime për shokët e skuadrës.
