Transferimi i Haaland te Barcelona, këto janë fjalët e Koeman

Trajneri i Barcelonës, Ronald Koeman, ka folur në konferencën për shtyp para ndeshjes me Valladolid.

Koeman u bombardua me pyetje nga gazetarët për lojtarin e Borussia Dortmund, Erling Haaland, agjenti i të cilit ishte në Barcelonë ditë më parë.

Por megjithatë ai u shpreh se ka për qëllim vetëm fitoren dhe fokusi i tij është ndeshja e ardhshme me Valladolidin dhe jo Haaland apo El Classico, e cila zhvillohet pas kësaj ndeshje.

“Nuk dua të flas për lojtarë që nuk janë në skuadrën tonë”, tha ai.

“Ne shfrytëzuam avantazhin e pushimit dhe bëmë disa takime me presidentin dhe ekipin e tij, të diskutojmë qetësisht sezonin”, tha Koeman.

“Ndodh në të gjitha klubet, ne po bisedojmë të ndërtojmë skuadrën, por nuk flas për lojtarë që nuk janë të Barcelonës”, përfundoi Ronald Koeman.

Shtuar 4.04.2021 03:04