Një pretendim i pazakontë është përhapur në rrjetet sociale dhe forumet braziliane, ku thuhet se ylli i Real Madridit, Vinicius Junior, është zhdukur dhe në vend të tij po shfaqet një person që i ngjan.
Sipas mbështetësve të kësaj teorie, ky zëvendësim i supozuar do të ishte bërë për të garantuar respektimin e kontratave të sponsorizimit, të cilat kapin vlerën e miliona dollarëve.
Të lidhura
None found
Përdorues të TikTok-ut dhe forumeve të ndryshme kanë pretenduar se kanë vënë re ndryshime në tiparet e fytyrës së futbollistit. Ata kanë përmendur gjithashtu mungesën e disa tatuazheve të dallueshme në kofshë, gjatë grumbullimit të tij me Kombëtaren e Brazilit, duke i konsideruar këto si “prova kyçe”.
Me kalimin e kohës, rrëfimi është zgjeruar edhe më shumë dhe në të janë përfshirë shërbime sekrete, elita botërore, si dhe alienë.
“Një teori konspirative krejtësisht e çmendur pretendon se CIA dhe elitat vranë dhe zëvendësuan Viniciusin pas Kupës së Botës”, shkroi një përdorues me pseudonimin BlackBondPtv.
Disa prej atyre që besojnë këtë histori kanë lidhur gjithashtu ngjarjen me një pushtim të supozuar nga reptilianët gjatë turneut.
Spekulimeve u është bashkuar edhe profetesha braziliane Vo Bahiana.
“Duhet t’ju them se ëndërrova përsëri për alienët që sulmonin fushën e futbollit në Miami. I pashë qartë duke i marrë lojtarët me vete në anijen e parë që mbërriti”, deklaroi ajo në një video.
Megjithatë, nuk ekzistojnë prova të besueshme që mbështesin këto pretendime. Si rrethi i futbollistit, ashtu edhe Real Madridi, i kanë injoruar plotësisht teoritë dhe spekulimet që po qarkullojnë në internet.
